• Bli ein attraktiv tilflyttingskommune
• Bli den sentrale utviklingsaktøren mellom Ålesund og Bergen
• Sikre gode tenester med høg kvalitet for innbyggarane
• Styrke vår attraktivitet som lokalisering for næringsverksemd
• Sikre ei berekraftig utvikling med målretta satsing på klima og miljø
• Styrke lokal stadidentitet og fellesskapskjensle til innbyggjarane i den nye kommunen

Fellesnemda har bestemt at det skal opprettast hyppigare båtruter mellom kommunane i dag. 

Oppstart av ruta er avhengig av kor tid finansieringa er på plass. Rutetabellen finn du i saka. 

Det er fylkeskommunen som bestemmer dette. Intensjonsavtala seier at Kinn kommune har som mål å arbeide for å styrke tilbodet og miljøet rundt dei to vidaregåande skulane, fagskulen og høgskulen. Det skal framleis vere to skular i kommunen. Førde kommune har i dag to vidaregåande skular.

Intensjonsavtala seier at Måløy og Florø skal byggast ut som attraktive, urbane og kulturelle sentra ved å prioritere realisering av gjeldande plan for symjeanlegg, fleirbrukshall med spesialfunksjonar og kulturfasilitetar i Vågsøy og fullskala fotballhall i Florø.

Vi kan ikkje seie noko om kor tid dette kjem, men samanslåinga vil betre sjansane vesentleg for at dette vert realisert.

Intensjonsavtala seier at vi skal ha og utvikle førstelinetenester som skular, sjukeheimar, helse- og omsorg, barnehagar og kulturtilbod der dei er ved samanslåinga. Dette betyr at samanslåinga av kommunane ikkje medfører at omsorgsbustader, legekontor, sjukeheimar, skular eller barnehagar vert nedlagde eller flytta. 

Nei. Intensjonsavtala seier at det skal vere eit servicetorg både i Florø og Måløy. Servicetorga skal hjelpe innbyggarane innan dei mest etterspurde tenestene. Digitalt vil den nye kommunen vere ope 24 timar i døgnet, heile veka. Dette inneber at du vil få moglegheita til å utføre dine oppgåver knytt til kommunen kor tid du vil, kor enn du er.

Intensjonsavtalen slår fast at det skal vere delt kommunesenter i Kinn kommune. Fellesnemnda ba prosjektrådmannen om å leggje fram sak om korleis funksjonane i administrasjonen skal fordelast mellom Måløy og Florø. Denne saka blei lagt fram for Fellesnemnda 17. april 2018. Fellesnemnda vedtok rådmannen sitt framlegg med lik fordeling av leiarfunksjonar mellom Florø og Måløy.

Intensjonsavtalen seier uansett at det skal vere forholdsvis like mange arbeidsplassar på kvar stad som før samanslåinga.

Det er og fastlagt i intensjonsavtala at det i Måløy skal etablerast kompetansemiljø innanfor desse områda:

• Samarbeid mellom utdanningsinstitusjonar og næringslivet
• Fornybar energi og klima
• IKT

Ungdommens bystyre/ungdomsråd for Kinn kommune vert etablert samtidig som det ordinære kommunestyret for Kinn kommune.

Dette er enno uavklart. Den politiske arbeidsgruppa for felles kultur, identitet og symbol arbeidar med dette. I løpet av våren vil det bli avklart korleis innbyggjarane kan delta.

Målet er at vi skal løyse dei fleste av oppgåvene sjølve. Fellesnemnda vil vurdere kva samarbeid som er hensiktsmessig å vidareføre frå kommunane i dag. På grunn av geografi vert det til dømes ikkje aktuelt å gå ut av legevaktsamarbeidet i Nordfjord.

Intensjonsavtala seier at arbeid med plankapasitet, areal og tilrettelegging for tomter til næring, landbruk og bustadbygging skal prioriterast. I praksis betyr dette at Kinn kommune vil få større kapasitet til å handsame din plan- eller byggesak.

Dette inneber også at det å drive med utvikling av næring og finne seg eigna areal til ulike føremål på både land og i sjø vert enklare.

Ingen må flytte som følgje av samanslåinga, men sentrale funksjonar blir delt mellom Måløy og Florø.  Det er ulovleg å knytte buplikt til ei stilling.

Intensjonsavtala seier at alle tilsette vil få tilbod om stilling i den nye kommunen i tilsvarande storleik og tidsperiode som ein har i noverande kommune. Dersom det blir overtallige, vil den nye kommunen gje tilbod om anna passande arbeid i rimeleg avstand.

Intensjonsavtalen seier at den nye kommunen skal vere ein sterk utviklingsaktør og bygge på dei aktiva området har. For å følgje opp dette er det oppretta fleire grupper som har som mål å få på plass organiseringa av utviklingsarbeid. Til dømes er Måløy Vekst, Nordfjord Hamn og Aksello involvert i arbeidet.

I dag har Vågsøy (10,6%) og Flora (14,1%) ulik sats for arbeidsgjevaravgift. Differensiert arbeidsgjevaravgift skal uansett vurderast på nytt i 2021. Fellesnemnda har bestemt at det så tidleg som mogleg skal søkast om kva for sats Kinn kommune vil få frå og med 01.01.20. Dette etter at kommunalminister Monica Meland har oppmoda Kinn om å sende ein slik søknad. Søknaden vil innehalde argument for at Kinn skal kunne få lågast mogleg sats. Det er rom for bruk av skjønn innanfor regelverket kring dette.

Oppsummert håpar vi på ei avklaring på kva for sats Kinn kommune vil få i løpet av våren 2018.

Avgiftssystemet og nivået på avgiftene i dei to kommunane er relativt likt. Sjå tabellen nedanfor. På andre område kan det vere større ulikskapar. Til dømes har kommunane ulike system for tilknytingsavgift. Her er avgifta langt høgare i Flora, men finansieringa av avløpssystemet er bygd opp på ein annan måte slik at det blir vanskeleg å samanlikne.

Vidare har Vågsøy lågare avgifter innanfor byggesak og planhandsaming. Kva for avgifter Kinn kommune vil få vil først bli avklart hausten 2019. Det som er avklart er at avgiftene ikkje må vere harmoniserte før etter 2022. Det kan også etter denne perioden  vere mogleg å ha ulike avgifter i ulike delar av kommunen dersom det er politisk ønskeleg. Det er starta arbeid med å sjå på korleis avgiftssystement skal byggjast opp og vere så lågt som mogleg i heile Kinn. Det vil vere politiske avgjerder som bestemmer dei framtidige kommunale avgiftene.

Kilde: Statistisk sentralbyrå

Fellesnemda har bestemt at det skal utarbeidast eit skuggebudsjett for Kinn i løpet av våren 2018. Dette budsjettet vil innehalde ein heilskap når det gjeld forventa framtidige inntekter og utgifter. Per no så har vi berre det som ligg i dei to kommunane sine budsjett og økonomiplanar, samt rammene frå staten på kva for inntekter kommunane får i tillegg til andre inntekter på grunn av vedtaket om samanslåinga. 

Tabellen viser økonomiske effektar på inntekt frå statlege overføringar pga. vedtaket om samanslåing av Vågsøy og Flora kommune til Kinn kommune. Tabellen tek ikkje med eingongstilskott, mogleg effektivisering m.m. Tabellen seier heller ikkje noko om lokale høve som eigedomsskatt, avgift m.m. 

Fylkesdirektøren og prosjektrådmannen har dialog om endringane i NAV.